Déan áirithint anois
Visitors admiring large historic image

Eispéiris

Músaem Ard-Oifig an Phoist

Tá Ard-Oifig an Phoist ar cheann de na foirgnimh is cáiliúla agus is so-aitheanta in Éirinn, agus ba cheart an deis a thapú cuairt a thabhairt ar Mhúsaem Ard-Oifig an Phoist agus tú i mBaile Átha Cliath.

Tá clú agus cáil ar Ard-Oifig an Phoist mar ba ann a bhí ceanncheathrú lucht Éirí Amach 1916 lonnaithe. Ba é an tÉirí Amach a chuir bonn faoi shraith imeachtaí dochloíte, agus ba é cruthú Phoblacht na hÉireann an toradh a bhí ar na himeachtaí sin ar deireadh thiar.

Cuirfidh tú eolas sa Mhúsaem ar scéal na mór-imeachtaí a mhúnlaigh nua-stair na hÉireann. Ina measc siúd, tá Éirí Amach 1916, Cogadh na Saoirse, an Conradh Angla-Éireannach, Cogadh na gCarad, na Trioblóidí agus an próiseas síochána i dTuaisceart Éireann ina dhiaidh sin suas go dtí síniú Chomhaontú Aoine an Chéasta in 1998.

Uaireanta oscailte

  • Luan – Satharn: 10:00 a.m. – 5:00 p.m.
  • Cead isteach deireanach 4:00 p.m.
  • Dúnta ar an Domhnach, ar laethanta saoire poiblí agus an 24 Nollaig
Tuilleadh eolais Déan áirithint anois
GPO Building Exterior

Imeachtaí

Dátaí éagsúla

Turas Rebel Rising

Déan iniúchadh ar Éirí Amach 1916 agus ar mhór-imeachtaí nua-stair na hÉireann in éineacht le duine dár dtreoraithe. Téigh ar aistear mothúchánach ina gcuirtear beocht i ndaoine agus i scéalta na linne sin. Cuirfidh tú eolas ar scéal na mór-imeachtaí a mhúnlaigh nua-stair na hÉireann ar an turas seo. Ina measc siúd, tá Éirí Amach 1916, Cogadh na Saoirse, an Conradh Angla-Éireannach, Cogadh na gCarad,...

Ar siúl: ar an Luan, ar an Máirt agus ar an Satharn ag 2:30 p.m. (ní bhíonn an músaem ar oscailt ar laethanta saoire poiblí)

Tuilleadh eolais
Rebel Rising 2 (800 x 600 px)

Le teacht

Turas Gaeilge Poster

Turas Gaeilge

Dátaí éagsúla

*Ní bheidh an Turais Gaeilge ar siúl i Mí Meitheamh. Beidh an chéad turas eile...

Tuilleadh eolais
Féach ar Uile
Guided tour of museum 2

Turais do ghrúpaí

Cuireann Músaem Ard-Oifig an Phoist roghanna turais éagsúla ar fáil, agus tá rátaí speisialta ann do ghrúpaí ina bhfuil deichniúr nó níos mó. Tugtar rátaí speisialta d’oibreoirí turais, turais scoile agus institiúidí tríú leibhéal, grúpaí sainleasa, agus grúpaí corparáideacha. Déan teagmháil lenár n-oifig áirithintí chun sonraí breise a fháil. Tabhair faoi deara nach mór do ghrúpaí áiteanna a chur in áirithe roimh ré.

Tuilleadh eolais Fiosraigh
X
Is iontach an músaem é agus tá go leor le foghlaim ann. Tá cuid mhór déantán ann mar aon le scáileáin idirghníomhacha a thugann gach eolas orthu sin. Tá an gearrscannán thar cionn, agus tugann sé léargas cruinn duit ar na heachtraí. 10/10. Mholfainn go hard é.

X
Is fiú go mór cuairt a thabhairt ar an músaem seo. Tá saibhreas eolais ann agus tá an fhoireann an-chairdiúil ar fad. Sílim gur cheart do gach turasóir dul ann mar faigheann tú léargas breá ar an stair ann.

X
Is iontach an áit í do dhaoine ar spéis leo cúrsaí staire! An músaem is fearr in Éirinn, dar liom. Tá eolas cuimsitheach ann faoi Éirí Amach na Cásca. Bhain mé an-taitneamh as an stair a fhoghlaim!

X
Turas agus treoraí den chéad scoth! Chuaigh mé le grúpa ón ollscoil agus thug Katrina (duine de na treoraithe) ar thuras álainn muid. Bhí sí thar cionn ar fad – an-chairdiúil, an-eolach, agus bhain muid an-taitneamh as bheith ag éisteacht léi. Tá go leor déantáin iontacha sa mhúsaem freisin!

X
Músaem iontach. Bhí Kim, an treoraí, iontach ar fad, bhí an-chur amach aici ar an ábhar, agus labhair sí go hoilte faoin stair ó thús go deireadh. Tá an músaem lonnaithe san fhoirgneamh féin inar thosaigh an tÉirí Amach, agus tá scoth na dtaispeántas agus na n-earraí cuimhneacháin ann. Tá taispeántas maith closamhairc ann freisin. Is fiú go mór cuairt a thabhairt ar an músaem seo. Chuaigh mé ar an turas oidhreachta Rebel Rising