Eolas ar Bhaile Átha Cliath

Tá Coláiste na Tríonóide, Baile Átha Cliath, ar an ollscoil is sine in Éirinn, agus is ann atá an tseoid chultúrtha is mó sa tír, mar atá Leabhar Cheanannais. Lámhscríbhinn luachmhar ón 9ú haois atá sa Leabhar ina bhfuil ceithre Shoiscéal an Tiomna Nua, agus tá sé ar taispeáint mar chuid d’Eispéireas Leabhar Cheanannais.

Tá an taispeántas lonnaithe sa tsean-leabharlann. Bíonn deis ag cuairteoirí féachaint ar an Leabhar ar dtús roimh dhul ar aghaidh go dtí an Seomra Fada. Tá an Seomra Fada ar cheann de na leabharlanna is áille ar domhan.

Féach https://www.visittrinity.ie/book-of-kells-experience/ chun tuilleadh eolais a fháil.

Turas do chuairteoirí atá ann ina bhféachtar ar scéal ailtireachta Theach an Chustaim ar dhear James Gandon é, agus ar a stair chorraitheach le 233 bliana anuas

Ní thiocfaidh tú ar leipreacháin ná ar photaí óir ag EPIC, ach gheobhaidh tú amach go síneann an tÉireannachas i bhfad amach thar theorainneacha na hÉireann. Cuirfidh tú eolas a chur ar scéalta na n-eisimirceach Éireannach a bhain áit amach dóibh féin mar eolaithe, mar pholaiteoirí, mar fhilí, mar ealaíontóirí agus – fiú amháin – mar eisreachtaithe ar fud an domhain mhóir. Deir 70 milliún duine ar fud na cruinne go bhfuil oidhreacht Éireannach acu nó gur de bhunadh na hÉireann a sinsir. Má tá tú ina measc siúd, beidh tú in ann filleadh abhaile, mar dhea, sa mhúsaem seo agus ceangal a dhéanamh idir do scéal féin agus mórán scéalta eile.

Reilig i ngairdín Victeoiriach is ea Reilig Náisiúnta na hÉireann i nGlas Naíon. Bunaíodh an reilig in 1832 agus tá clú agus cáil uirthi as a háilleacht agus as an dlúthcheangal atá idir an reilig féin agus stair na hÉireann, Éirí Amach 1916 ina measc.

Músaem faoi stair shóisialta an tsaoil i mBaile Átha Cliath is ea é 14 Sráid Henrietta, ó thús galánta Seoirseach an tí a fhad leis na háiteanna cónaithe tionóntáin a bhí ann ina dhiaidh sin. Déantar ceangal idir stair an tsaoil sa chathair le 300 bliain anuas agus scéalta na ndaoine a bhíodh ina gcónaí anseo.

Cuirtear beocht le linn na dturas treoraithe i scéalta na ndaoine a bhíodh ina gcónaí sa teach, agus cuirtear eolas ar a chúinsí pearsanta agus na hathruithe a tháinig orthu sin, ar shaol an teaghlaigh, agus ar an gcaoi ar imigh cúrsaí domhanda i bhfeidhm orthu.

Tabhair cuairt ar Mhúsaem CLG agus déan turas i bPáirc an Chrócaigh chun eolas níos mó a chur ar spóirt náisiúnta na hÉireann. Gheobhaidh tú an t-eolas ar fad faoin staid 82,300 suíochán seo ar thuras treoraithe, agus cuirfidh tú eolas sa mhúsaem ar scéal na gcluichí Gaelacha aniar ó chianaois go dtí an lá atá inniu ann.

Téigh ar aistear trí stair an rac-cheoil in Éirinn ar thuras treoraithe tumthach sa choimpléasc ceoil is mó in Éirinn agus faigh an t-eolas ar fad faoi na ceoltóirí is fearr leat. Éist le scéalta, féach ar earraí cuimhneacháin, agus tapaigh an deis chun dul i mbun ceoil sna seomraí céanna inar sheinn cuid de na ceoltóirí Éireannacha is mó le rá san am a chuaigh thart.

D’oscail John Jameson a dhrioglann ar Shráid Bowes in 1780. Tá an drioglann ar oscailt i gcónaí breis is 240 bliain ina dhiaidh sin, agus cuirtear fáilte roimh sheanchairde agus roimh chairde nua araon. Is iomaí turas uathúil is féidir a dhéanamh, mar shampla téigh ar thuras lántreoraithe agus freastail ar ócáid bhlaiste nó faigh amach conas fuisce a mheascadh, foghlaim conas manglaim a dhéanamh, nó tarraing fuisce díreach ón mbairille san aon stóras aibithe amháin atá fós in úsáid i mBaile Átha Cliath. Tuigfidh tú go tapa an fáth ar bronnadh an duais mar an drioglann is fearr ar domhan ar Dhrioglann Jameson cúig bliana as a chéile – éacht nach bhfuil déanta ag aon drioglann eile.

Insíonn an Jeanie Johnston scéal na mílte Éireannach a theith ón nGorta Mór agus a thug aghaidh ar aistear fealltach agus iad sa tóir ar shaol níos fearr i Meiriceá. Tar ar bord agus téigh ar thuras siar sa stair leo agus iad ar a n-aistear anróiteach trasna an aigéin.

Tá breis is céad bliain den náisiúnachas Éireannach fite fuaite leis an bpríosún seo atá ar cheann de na príosúin is mó san Eoraip nach bhfuil aon phríosúnach ann.

Ar thuras treoraithe amháin a bhíonn cead isteach go dtí an príosún.

Tá Músaem Náisiúnta na Leipreachán ar an aon mhúsaem amháin in Éirinn atá tiomnaithe don scéalaíocht thraidisiúnta Éireannach. Téigh ar thuras scéalaíochta linn agus cuir eolas ar shaol na síog, na leipreachán agus neach cáiliúil eile.

Cuir eolas ar chultúr athraitheach na hÉireann le Bailiúchán na nEalaíon Maisiúil, an Dearaidh agus na Staire Míleata, cois na Life i mBaile Átha Cliath

Tá an t-aon mhúsaem céarach in Éirinn lonnaithe i gcroílár Bhaile Átha Cliath. Téigh ar aistear spéisiúil oideachasúil ann agus cuir eolas ar stair na hÉireann, ar an gcultúr coiteann, ar an eolaíocht, agus ar an litríocht. Anuas air sin, bain triail as lusca na n-uafás, téigh ar thuras nua réaltachta fíorúla, agus bain triail as an aon lúbra scáthán i mBaile Átha Cliath!