Uaireanta oscailte
Teagmháil
Seoladh
Músaem Ard-Oifig an Phoist, Ard-Oifig an Phoist (GPO),
Sráid Uí Chonaill Íochtarach, Baile Átha Cliath 1,
D01 F5P2, Éire
Tá sé an-éasca teacht chuig Músaem Ard-Oifig an Phoist! Tá an músaem ar Shráid Uí Chonaill i gcroílár na cathrach, agus níl óstáin, carrchlóis phoiblí ná seirbhísí LUAS, DART, iarnróid agus bus lár na cathrach i bhfad uaidh de shiúl na gcos.
Daoine atá ag taisteal ó thuaidh ar an Líne Uaine, ba cheart imeacht den LUAS ag an stad ag Ard-Oifig an Phoist, Sráid Uí Chonaill. Daoine atá ag taisteal ó dheas, ba cheart dóibh imeacht den LUAS ag an stad ar Shráid Mhaoilbhríde. Tá an stad is gaire ar an Líne Dhearg lonnaithe ar Shráid na Mainistreach.
Tá Músaem Ard-Oifig an Phoist lonnaithe gar do Stáisiún Uí Chonghaile agus do Stáisiún Shráid na Teamhrach (10-15 nóiméad de shiúl na gcos)
Tá Músaem Ard-Oifig an Phoist gar do cuid mhór de na bealaí cathrach atá ag Bus Átha Cliath chomh maith le cinn aistir Bhus Éireann agus cuideachtaí náisiúnta bus eile a thagann go Baile Átha Cliath as gach cearn d’oileán na hÉireann.
Stopann na busanna turasóireachta ar fad ar Shráid Uí Chonaill gar do Mhúsaem Ard-Oifig an Phoist.
Tá Músaem Ard-Oifig an Phoist lonnaithe i lár chathair Bhaile Átha Cliath agus tá sé éasca dul chomh fada leis ó gach príomhbhóthar. Is ann do chuid mhór carrchlóis phoiblí gar don Mhúsaem. Is é Best Car Parks Arnotts an carrchlós is gaire agus tá ráta speisialta €10.00 ar pháirceáil lae le fáil ag cuairteoirí Mhúsaem Ard-Oifig an Phoist nuair a thaispeánann siad deimhniú áirithinte nó admháil ag oifig na dticéad ar leibhéal 1a agus iad ag imeacht. Tá uaireanta oscailte an charrchlóis le fáil anseo
Tá Músaem Ard-Oifig an Phoist lonnaithe ar Shráid Uí Chonaill, i gcroílár Bhaile Átha Cliath. Tá sé suite 250 méadar ó Dhroichead Uí Chonaill
Cuireann Comhairle Cathrach Bhaile Átha Cliath cuid mhór saoráidí páirceála rothar ar fáil ar fud na cathrach. Cliceáil anseo chun tuilleadh eolais a fháil
Is córas féinseirbhíse é Dublin Bikes trínar féidir rothair a fháil ar cíos. Tá stáisiúin lonnaithe ar fud na cathrach. Tá an stáisiún is gaire lonnaithe ar Shráid an Phrionsa, in aice le hArd-Oifig an Phoist.
Tá Músaem Ard-Oifig an Phoist inrochtana ag cathaoireacha rothaí, agus tá rochtain ardaitheora ar gach cuid den músaem. Tá saorchead isteach ag cúramóirí.
Is féidir cárta JAM (Just a Minute) a úsáid i Músaem Ard-Oifig an Phoist freisin. Cuireann cárta JAM ar a gcumas do dhaoine atá faoi mhíchumas folaithe nó a bhfuil bac cumarsáide orthu a chur in iúl do dhaoine eile go bhfuil breis ama agus tuisceana ag teastáil uathu, agus é sin a dhéanamh ar bhealach éasca discréideach.
Luan – Satharn: 10:00 a.m. – 5:00 p.m.
Cead isteach deireanach 4:00 p.m.
Dúnta ar an Domhnach, ar laethanta saoire poiblí agus an 24 Nollaig
Ná bíodh díomá ort! Bí cinnte na ticéid a chur in áirithe roimh ré. Gheobhaidh tú lascaine idir €2.00 agus €5.00 ar fhormhór na dticéad!
Tá Ard-Oifig an Phoist ar cheann de na foirgnimh is cáiliúla agus is so-aitheanta in Éirinn, agus ba cheart an deis a thapú cuairt a thabhairt ar Mhúsaem Ard-Oifig an Phoist agus tú i mBaile Átha Cliath.
Cuir eolas ar stair na hÉireann ón Éirí Amach go dtí an lá atá inniu ann, faoi mar a nochtar an stair os do chomhair amach!
Is féidir réimse leathan féiríní a cheannach sa siopa bronntanas, mar shampla seodra, scaifeanna, hataí, leabhair, agus cuimhneacháin, agus tá an siopa ar oscailt don phobal. Cibé acu atá bronntanas á lorg agat do chairde nó don teaghlach sa bhaile, nó leabhair chun eolas breise a chur ar stair na hÉireann, beidh rogha mhór earraí os do chomhair agat. Beidh foireann an tsiopa an-sásta cabhrú leat má tá rud éigin ar leith ag teastáil uait.
Is cathair bheoga í Baile Átha Cliath a bhfuil go leor staire ag baint léi. Cuir eolas ar an gcathair anois. Tá liosta samplach thíos de mhúsaeim agus de thaitneamhachtaí do chuairteoirí. Féach https://www.visitdublin.com/ chun tuilleadh eolais a fháil ar a bhfuil le déanamh i mBaile Átha Cliath.
Is iontach an músaem é agus tá go leor le foghlaim ann. Tá cuid mhór déantán ann mar aon le scáileáin idirghníomhacha a thugann gach eolas orthu sin. Tá an gearrscannán thar cionn, agus tugann sé léargas cruinn duit ar na heachtraí. 10/10. Mholfainn go hard é.
Is fiú go mór cuairt a thabhairt ar an músaem seo. Tá saibhreas eolais ann agus tá an fhoireann an-chairdiúil ar fad. Sílim gur cheart do gach turasóir dul ann mar faigheann tú léargas breá ar an stair ann.
Is iontach an áit í do dhaoine ar spéis leo cúrsaí staire! An músaem is fearr in Éirinn, dar liom. Tá eolas cuimsitheach ann faoi Éirí Amach na Cásca. Bhain mé an-taitneamh as an stair a fhoghlaim!
Turas agus treoraí den chéad scoth! Chuaigh mé le grúpa ón ollscoil agus thug Katrina (duine de na treoraithe) ar thuras álainn muid. Bhí sí thar cionn ar fad – an-chairdiúil, an-eolach, agus bhain muid an-taitneamh as bheith ag éisteacht léi. Tá go leor déantáin iontacha sa mhúsaem freisin!
Músaem iontach. Bhí Kim, an treoraí, iontach ar fad, bhí an-chur amach aici ar an ábhar, agus labhair sí go hoilte faoin stair ó thús go deireadh. Tá an músaem lonnaithe san fhoirgneamh féin inar thosaigh an tÉirí Amach, agus tá scoth na dtaispeántas agus na n-earraí cuimhneacháin ann. Tá taispeántas maith closamhairc ann freisin. Is fiú go mór cuairt a thabhairt ar an músaem seo. Chuaigh mé ar an turas oidhreachta Rebel Rising
